ادعو إلى سبيل ربك



يهتم بكل ما يخص ديننا الحنيف والإدلال على الطريق الصحيح والصراط المستقيم
 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلسجل فى المنتدىدخول

شاطر | 
 

 عايزة تعملى تورتة تمام تعالى ورايا نتعلم خطوة وخطوة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ندى عامر
عضو جديد
عضو جديد


المنصوره
محمد حسان
عدد المساهمات : 6
تاريخ التسجيل : 30/12/2011

مُساهمةموضوع: عايزة تعملى تورتة تمام تعالى ورايا نتعلم خطوة وخطوة   الجمعة ديسمبر 30, 2011 3:23 am

اولا وأهم شئ هي الكيكه الاسفنجيه
ودي طريقه مؤكده باذن الله ومجربه

بسم الله وقولوا ما شاء الله



شوفوا شكلها ماشاء الله عالية ازاى ومن جوه هشة وجميلة



ودى من ناحية تانية



ودى من فوق وباين فيها المكان اللى اختبرت فيه بالسكينة ( من النص علشان تتأكدى انها استوت )



وهنا لما قسمتها بصوا لونها بسم الله ماشاء الله جميل وبتتقطع معاكى بسهولة من غير ما تتفرفت بإذن الله



ها اللى عجبتها وهتكمل معايا الموضوع ترفع ايدها وتورينى







ونقول كمان بسم الله



المقادير :


10 بيضات ( مفصولين الصفار عن البياض )


2 ملعقة صغيرة فانيليا


كوب ونصف سكر ( 250 جرام )


كوب ونصف دقيق ( طحين )


رشة صغيرة ملح


2 ملعقة كبيرة نشا



اللى لسه هتجرب يا بنات أول مرة تعمل نص المقادير بس لكن تخليهم 6 بيضات مش 5 علشان الكيكة الاسفنجية بتحب البيض الكتير
أما لو عملتيها ونجحت معاكى وعايزاها تبقى احلى بعد كده ان شاء الله ممكن تزودى البيض بدل 10 تخليهم 12



بس ده لما تنجح معاكى بإذن الله وتبقى واثقة من النتيجة علشان حرام الحاجات دى تروح على الأرض




نيجى للطريقة ولازم ننفذ الخطوات زى ما هى ولو تابعتوا اى شيف كبير هتلاقوه يقولكو ان الطريقة والخطوات بتفرق والله


فى النتيجة فتاخدى الخطوات تنفذيها زى ما هى علشان تظبط معاكى ان شاء الله



الطريقة :


بنجيب فى طبق الخفق بياض البيض ونخفقه مع رشة كويس أوى
لحد ما يبقى شكله ثلجى ويكبر جداً حجمه




وبعدين بنضيف السكر بالتدريج لغاية ما يبقى عندنا خليط سائل
ونستمر بالخفق شوية علشان يمتزج بالسكر كويس



نضيف صفار البيض واحد واحد ومعه الفانيليا
ونخفق بعد كل مرة كويس
وبعد اضافته كله نخفق حتى يمتزج الخليط كله جيداً ويصبح سائل شكله
عجين الكيك



وآخر خطوة بننخل الدقيق مع ملعقة النشا وننزله بالتدريج على الخليط
مع استمرار الخفقلحد ما تبقى عجينة الكيك جاهزة
بقوام جيد



وبندهن صينية بالزيت وياريت نحط ورق ورق زبده علشان يبقى سهل تشيلى الكيك من الصينيه ولو معندكيش
ورق زبده اى ورق أبيض عندك ويكون نضيف ينفع ان شاء الله
لو معرفتيش تعملى اى حاجة من دول يبقى زيت فى الصينيه ندهن بيه ونرض طبقة دقيق خفيفة نغطى بيها القعر والجوانب



ونصب الخليط ويكون مستوى متكونش الصينية مايلة علشان ميطلعش حته رفيعة وحتة تخينه




وبنكون سخنا الفرن على الأقل 10 دقائق قبلها


وبعدين بتدخل الفرن على درجة حرارة متوسطة لا عالية اوى ولا منخفضة وعلى حسب فرنك بقى



وبتاخد حوالى 20 دقيقة وبنختبرها بالسكينه من النص الاول
لو طلعت السكينة نضيفة تبقى استوت لو لسه يبقى نسيبها كمان شوية
بس نخلى بالنا لانها ممكن تتحرق بسرعة علشان فيها بيض كتير فلو سبتيها زياده عن كده تبقى عينك عليها

التجميل بقي على ذوقك اهم حاجه ان الكيكه تبقي تمام
وان شاء الله انزلكم طرق كتيره واشكال كتيره للتورت

_________________
<br>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عايزة تعملى تورتة تمام تعالى ورايا نتعلم خطوة وخطوة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ادعو إلى سبيل ربك :: البيت المسلم :: المرأه المسلمه :: مطبخك-
انتقل الى: